Судбина на неразделни девојки: Заедно од градинка, заедно во смрт
Две малолетнички, Франческа (16) и Елена (17) загинаа во тешка сообраќајка во неделата, пет минути по полноќ, на патот Пула - Фажанa, додека четворица млади се полесно повредени, соопшти хрватската полиција.
Несреќата се случила кога 18-годишната девојка која била зад воланот на „ситроен ксара“ од правецот на Фажанa кон Пула, во кривина поради неприлагодена брзина изгубила контрола врз возилото и поминала во спротивната лента.
Возилото излетало од патот и удрило во стебло. Од силиата на ударот автомобилот се одбил, се изротирал и запрел на патот. Во моментот во возилото имало осум лица, шест девојки и две момчиња. Трите малолетнички од 16 и 17 година како и 15-годишно момче тешко се повредени и задржани во болницата во Пула, а девојката и 17-годишно момче поминале со полесни повреди. Според податоците на полицијата, девојката зад воланот, во моментот на несреќата имала 0,26 промили алкохол во крвта.
-Заедно растеа, одеа во градинка, а потоа и на училиште, и на крајот заедно заминаа во смрт. Беа нераздвојни, како прст и нокот, како вистински сестри. Франческа и Елена ми беа пријателка, имаа само 16 и 17 години, вели нивниот пријател Марин П.
Тој со пријателите дошол на местото на тешката трагедија за која зборува цела Фажана и Истра. Тешката тишина на местото на погибијата во неделата во раните утрински часови ја прекинуваа само болни воздишки и лелеци.
Телата на настраданите девојки се предадени на патологија во Пулската болница.
Ново на Сител
-
Деветмесечно бебе донесено во неконтактибилна состојба, починало во болница во Охрид
-
ДИК ги соопштува освоените мандати за пратеници во новиот парламентарен состав
-
Претрес во Струмица, приведен осомничен дилер
-
Кривична против градоначалник за незаконско располагање со буџетски средства за време на избори
-
Расчистено двојното убиство во Стајковци
-
Напаѓачот на Фицо призна вина
-
Кривична и истрага против вработена во СВР Скопје, посредувала за добивање социјални станови
-
Костадиновска-Стојчевска: Музеите имаат заштитничка улога за нашата историја, култура и идентитет