Студија: Вакцината Синовак е 50,7 отсто ефикасна против т.н. бразилски сој
Бразил, кој во изминатите седмици стана епицентар на пандемијата на коронавирус, вчера евидентираше 37.000 новозаразени, во момент кога во земјата се повеќе циркулира варијантата П1, првпат откриена во таа земја. Голема студија, спроведена во Бразил, покажа дека кинеската вакцина, која е главен избор во кампањата за вакцинација на земјата, е 50,7 отсто ефикасна во заштитата од варијантата П1.
Биомедицинскиот институт „Бутантан” од Сао Паоло, кој ја тестираше и сега ја произведува вакцината „КоронаВак” од кинеската компанија „Синовак Биотек ДОО”, вчера соопшти дека студија спроведена на 12.400 волонтери во Бразил открила дека вакцината е 50,7 проценти ефикасна во борбата против варијантата П1 и помалку распространета варијанта, позната како П2.
Институтот информира дека ефекасноста на вакцината ќе се зголеми на 62,3 проценти доколку втората доза се одложи повеќе од две недели, а вакцината помеѓу 83,7 и 100 проценти успешно ги штити заразените од потребата од лекарска помош.
Ширењето на болеста неодамна влезе во најтешката фаза поради недостиг на федерални мерки, нерамномерна кампања за вакцинација и новата варијанта П1.
Во Бразил вчера од последици на Ковид-19 починаа 1.803 лица, со што смртниот биланс во таа латиноамериканска земја достигна 353.000, што ја става на второ место во светот според овој параметар, веднаш зад САД.
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција