Струмичанец загина во сообраќајка на патот Банско-Морино

41 годишен жител од струмичкото село Борисово го загуби животот во тешка сообраќајна несреќа која се случи  доцна синоќа во самиот центар на селото Мокриево.

До несреќата дошло откако сега веќе починатиот Л.Л. од непознати причини изгубил контрола над возилото со кое управувал и излетал од патот по што удрил во камен ограден ѕид од  куќа.  Од ударот возилото се одбило и паднало во каналот за наводнување.

Жителите на Мокриево кои се нашле на местото на несреќата велат дека глетката била страшна.

-Седев внатре кога по едновреме слушнав како нешто почна да кочи, по што веднаш се слушна силен удар. Веднаш излеговме надвор и што да видиме, колата беше навлезена во каналот ,а возачот лежеше со лицето надолу. Веднаш викнавме полиција од Ново Село и брза помош, дојдоа тука, но тие само утврдија дека човекот е мртов, вели жител на Мориево

Во интевенцијата учествувала и противпожарната единица со четврица пожарникари ,а увид на местото на настанот извршиле јавен обвинител и екипа на СВР Струмица. По завршувањето на истрагата треба да се знае и кои биле причините поради кои дошло до несреќата.