Строгите мерки во Словенија остануваат на сила и следната недела
Ригорозните мерки на запирање на социјалниот живот во Словенија ќе останат на сила и следната недела, одлучи владата на Јанез Јанша бидејќи епидемиолозите проценуваат дека вториот бран на епидемијата на Ковид-19 сè уште не го достигнал својот врв.
„За жал, проекциите велат дека бројот на пациенти ќе продолжи да расте, па затоа мерките се продолжуваат за уште една недела“, рече премиерот Јанша на „Твитер“ по состанокот на владата со епидемиолозите.
„Ако ги поддржиме напорите на здравствените работници со нашето однесување, тогаш за седум до десет дена можеме да очекуваме олеснување на мерките“, рече премиерот на Словенија.
Соодветно на тоа, владата донесе одлука учениците и студентите да останат дома следната недела, што ќе се смета за есенски одмор, така што нема да има ниту онлајн настава. Детските градинки ќе бидат делумно отворени за вработените кои работат во важни служби како што се вработени во здравството, пожарникарството, цивилна заштита и полиција.
Ново на Сител
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија