Страшно: Бебе извлечено од канализација во болница, се трага по мајката

Спасувачките служби се повикано откако вработените во болницата слушнале детски плач што доаѓал од канализациските цевки. Страотниот случај на обид за чедоморство се случил во округот Ксинпинг, на југот од Кина. На пожарникарите им требало три часа да дојдат до бебето и да го извлечат неповредено од канализациската цевка. Полицијата покрена истрага за да ја пронајде мајката која ја фрлила својата ќерка.

Пронајденото женско бебе било целото во крв и едвај дишело. Во болницата владеела опсадна состојба во текот на спасувањето зошто не смеела да се користи водата во тоалетот за да не пропадне бебето уште подолу во канализациската цевка.

Колку и да изгледа страотно, ова не е прв ваков случај во Кина. Во септември 2014 година тукушто родено девојче е пронајдено во канализациска цевка на еден факултет во градот Линџија.

Напуштањето на бебиња во Кина не е реткост, а главно на јавни места се оставаат женски деца чии сиромашни родители не можат да ги издржуваат.