Стопанската комора ја поздравува владината одлука за пролонгирање на прогресивното оданочување
Стопанската комора на Македонија ја поздравува одлуката на Министерството за финансии за одложување на примената на Законот за данок на личен доход, како позитивен пример за земање предвид на барањата на бизнис заедницата.
-Ја поздравуваме одлуката особено зашто таа е резултат на направените анализи и од страна на надлежното Министерство, кои во најголем дел ги потврдија и нашите согледувањата како најстара и најбројна бизнис асоцијација. Остануваме на ставот дека за системски промени со финансиски импликации врз бизнисот, задолжително и континуирано мора да се спроведуваат јавни консултации и дијалог со Комората како застапник на реалниот сектор во државата, во насока на обезбедување поволно деловно опкружување и создавање применлива законска регулатива, наведува Комората.
Воедно потсетува дека на прес-конференцијата одржана на 14.10.2019 година беше упатен јавен повик до надлежните институции да бидат преиспитани ефектите од воведувањето прогресивно оданочување. Ваквиот став базираше на резултатите добиени од анкетата и направената анализа за ефектите од воведувањето прогресивното оданочување и зголемувањето на даночните стапки кај оданочувањето на доходот од капитал. Притоа, се укажа дека позитивниот ефект од воведување прогресија врз буџетските приходи е далеку помал од очекуваните ефекти и негативно се рефлектира на вкупното бизнис окружување.
-Зголемувањето на стапките значи праќање негативен сигнал како кај домашните, така и кај странските инвеститори и губење на компаративната предност и имиџот на држава со релативно ниски даночни стапки. Се укажа и дека зголемувањето на даночниот товар може да влијае на даночната евазија, стои во соопштението на Стопанската комора на Македонија.
Ново на Сител
-
Какви казни има за сквернавење национални симболи?
-
Тема на денот со Методи Хаџијанев, професор по безбедност
-
Дрво падна врз жена во центарот на Скопје, УХМР најавува невреме низ целата држава
-
Македонското знаме повторно се вее на Голем Кораб
-
Дрво падна врз жена во центарот на Скопје, УХМР најавува невреме низ целата држава
-
Дали движењето ЗНАМ ќе ја напушти владејачката коалиција?
-
Македонското знаме повторно се вее на Голем Кораб
-
Самарас: Грција да најде начин да се повлече од Преспа