Стопанската комора бара преиспитување на мерката за замрзнати цени на пијалоците

Стопанската комора бара преиспитување на мерката за замрзнување на цените на пијалоците.

Здружението за земјоделство и прехрабмена индустија при Стопанската комора со писмо до министерот Бектеши преку факти укажува дека мерката е на дирекна штета и на производителите и на трговците.

Нејасно според нив е зошто производителите кои работат со маржа од само 3, 78% се посочени какво главни виновници за зголемување на цените. Намалувањето на производите од 10% за нив неминовно ќе значи работа со загуба, без никаква можност за развој на компаниите, нови инвестиции и вработувања.

Зголемените цени во изминатиот период се објективни и речиси целосно надвор од контрола на компаниите, а најмалку се израз на самоволие. Кризата доведе до огромни зголемувања на сите суровини и репроматеријали:

- цената на стаклената амбалажа се зголеми за над 100%

- претформите ПЕТ амбалажа за 30%

- двојно е зголемена цената на шеќерот

- репроматеријалите како амбалажи и капачиња се зголемени за 30%

- главната суровина за производство на пиво е зголемена за 110%

- за над 30% се зголемени и цените на свежото овошје, се посочува во писмото до министерот Бектеши

За цената на пивото која во најголема мера зависи од даночната политика, од Стопанската комора бараат и државата да превземе дел од трошоците преку намалување на акцизата која во Македонија е за три пати поголема во споредба со земјите од регионот и земјите членки на ЕУ.

АКЦИЗА ЗА ПИВО СО 5 СТЕПЕНИ АЛКОХОЛ

МАКЕДОНИЈА    -   32,5 ЕUR/ HL

РОМАНИЈА        -    8.63 EUR/HL

БУГАРИЈА          -     9,2 EUR/HL

ГЕРМАНИЈА       -     9.44 EUR/HL

ЧЕШКА               -    14.69 EUR/HL

АВСТРИЈА     -    24 EUR/HL

ХРВАТСКА     -    25.89 EUR/HL

Речиси сите комании од оваа дејност превзедоа мерки за ублажување4 на ценовниот чок за своите вработени и здружување на постоечкиот кадар преку зголемување на платите за 25%.

Оттука сметаме дека треба да се почитува изразената волја и спремност на производителите на пијалоците доброволно да намалат цена на дел од своите производи што беше и направено, но во никој случај оваа мерка не смее да се однесува на целиот асортиман и сите производи посочуваат од комората .

Реакцијата на комората следи откако пред три дена Владата со мерката гарантирана цена ги опфати и соковите, газираната и негазирана вода и пивото чии цени се намалени за 10 проценти.