-->
-->
Ставрев ќе го суди дербито Шкендија – Вардар
-->
Еден од најдобрите македонски судии Александар Ставрев ќе ја има улогата на главен арбитер на претстојниот дерби натпревар меѓу Шкендија и Вардар.
Во Фудбалската федерација на Македонија (ФФМ) денеска со ждрепка беа одредени судиите за претстојното 29.коло од Првата македонска фудбалска лига (ПМФЛ).
Големото дерби кое ќе се игра во Тетово, а во кое второ пласираната Шкендија ќе го пречека лидерот и актуелен шампион Вардар, правдата ќе ја дели Александар Ставрев, кому ќе му помагаат Марјан Кировски и Дејан Костадинов.
Вториот меч кој ќе предизвика внимание, а во кој прилепска Победа ќе биде домаќин на Силекс ќе го суди Димитар Мечкаровски.
На „Градскиот стадион“ во Штип, на мечот меѓу Брегалница и Пелистер на центарот ќе биде Марјан Маркоски, додека во Ѓорче Петров, на дуелот меѓу Македонија ЃП и Ренова ќе суди Далибор Ѓорѓевски.
Овие средби ќе се играат во среда (26 април) со почеток од 16 часот, термин во кој ден подоцна (четврток) ќе се игра и последниот натпревар од ова коло меѓу Работнички и Шкупи, а главен судија ќе биде Зоранчо Темелков.
На табелата, водечки е Вардар со 68 бодови, дури 13 повеќе од Шкендија (55). По водечката двојка следуваат: Работнички 47, Пелистер 40, Ренова 38, Силекс 36, Шкупи 29, Победа 23, Македонија ЃП 19 и Брегалница 18.
-->
-->
-->
Ново на Сител
-
Мицотакис: Провокативна, незаконска и недозволива иницијатива од новата претседателка на Северна Македонија
-
Макроекономска и буџетска состојба на Еврозоната теми на средбата на Еврогрупата
-
Работни групи на ВМРО-ДПМНЕ и Вреди на преговори за идната влада
-
Народната банка ќе ги објави пролетните макроекономски проекции
-
Во Косово од денеска само евра, измина преодниот рок што го одреди Централната банка за динарите
-
Факти за Андреј Белоусов, новиот руски министер за одбрана
-
Денеска средба Ердоган – Мицотакис во Анкара
-
Променливо облачно и сончево, попладне услови за дожд и грмежи