Стартува разигрувањето за титулата во кошаркарскиот шампионат

Со натпреварот МЗТ Скопје Аеродом – Блокотехна започнува разигрувањето за шампионскиот трофеј во кошаркарскиот шампионат на Македонија. 

 

Во договор се четирите екипи, решено е полуфиналните дуели да не се играат во ист ден, односно, секој ден почнувајќи од  денеска да има по еден натпревар. 

 

Така љубителите на кошарката ќе имаат можност да ги проследат завршните возбудувања, без притоа да мораат да прават избор меѓу еден или друг меч. 

 

Полуфиналната серија денеска ја отвораат шампионот МЗТ Скопје Аеродром и Блокотехна со средбата која се игра во СЦ „Јане Сндански“ кој започна до 19 часот.  

 

Во истиот термин утре во салата „Градски парк“ ќе играат Работнички и Куманово. 

 

Полуфиналето се игра во три добиени натпревари, по принципот (дома-гости-дома...).