Стартува ракометната Лига на шампионите

Со натпреварот меѓу шведската екипа Кристијанштад и данскиот тим Колдинг ќе биде означен почетокот на новата сезона од ракометната Лигата на шампионите, која оваа сезона ќе се игра во изменет формат, каде екипите се поделени во две фази според квалитетот, но и оние од втроата фаза (групите Ц и Д) во завршницата имаат шанси да се борат за пласман во нок аут фазата од натпреварувањето.

Македонија и оваа година ќе има два претставника шампионот Вардар и Металург. Вардар ќе игра во фазата од групите (А и Б), поквалитетни, додека Металург е во групата Д.

 

Во првото коло Вардар во недела гостува кај француската екипа Монпеље, додека Металург во сабота ќе гостува кај украински Мотор.

 

Распоред на натпреварите од 1.коло:

А група: ППД Загреб – Кил (четврток), Висла – Веспрем, Флензбург – ПСЖ и Бешикташ – Цеље (сабота).

Б група: Кристијанштад – Колдинг (среда), Монпеље – Вардар, ПИК Сегед – Киелце, Рајн Некар Ловен – Барселона (недела).

Ц група: Чеховски Медведи – Ла Риоха (четврток), Мешков Брест – Војводина, Порто – Татран Прешов (сабота).

Д група: Кадетен Шафхаузен – Елверум (четврток), Мотор – Металург (сабота), Скјерн – Баја Маре (недела).