Старите дозволи за движење ќе бидат валидни и за време на новиот полициски час
Компаниите повеќе нема да треба да издаваат нови дозволи за движење на работниците до работните места со секоја промена на режимот на движење и периодот на траење на полицискиот час, туку ќе важат веќе издадените дозволи.
Владата на последниот кризен штаб донесе одлука со која се продолжува важноста на веќе издадените дозволи за движење за време на полициски час на работниците поради вршење на сменска и ноќна работа. Со последната одлука работодавачите немаат повеќе обврска да го менуваат датумот и временскиот период во образецот заради нивно усогласување со Одлуката за изменување на Одлуката за забрана и посебен режим на движење на територијата на Република Северна Македонија („Службен весник на Република Северна Македонија“ бр.107/20).
Овие дозволи ги издава работодавачот на пропишан образец од страна на Владата. Во дозволата се наведуваат основните податоци за работникот, адресата на живеење, но и работното место и називот на компанијата во која работи. При тоа, се наведува и смената во која е ангажиран работникот. Дозволата е потврда за движењето на работникот во услови на полициски час и истата се приложува на увид до органите на државата во случај на контрола. Дозволата за движење важи исклучиво за лицето на чиешто име е издадена.
Овие издадени дозволи од страна на работодавачот не треба да бидат заверени и потврдени од страна на Министерството за внатрешни работи или надлежното ОВР.
Ново на Сител
-
Мигрантското прашање во фокусот на средбата Мицотакис- Макрон на Самитот МЕД9 на Малта
-
Евростат: Највисока инфлација во Словачка, Хрватска и Словенија
-
Шаќири: Од клучно значење искористување на потенцијалот на дигиталната трансформација, во и преку образованието
-
Соопштение од Клубот на пратенички за родово заснованото насилство
-
Претседателот Џафери поднесе Предлог деловник за работа на Собранието
-
Саво Милошевиќ нов селектор на БиХ
-
Продолжува растот на цената на нафтата
-
„Испејс“ го претстави новиот приземјувач „Апекс 1.0“