Стапуваат на сила новите санкции на ЕУ против четворица руски граѓани
Советот на ЕУ соопшти дека се усвоени новите санкции против четири лица граѓани на Русија, како што најави Брисел минатата недела.
Одлуката за дополнителни санкции против руски официјални лица ја донесоа министрите на ЕУ на последниот Совет за надворешни работи и се одговор на казната затвор за опозиционерот Алексеј Навални.
Александр Бастрикин, шеф на истражната комисија на Русија, Игор Краснов, јавниот обвинител, Виктор Золотов, шеф на Националната гарда и Александр Калашников, шеф на федералната затворска служба се четирите лица санкционирани од страна на ЕУ за нивната инволвираност во арбитрарното апсење, гонење и затворање на Навални, соопштија од Советот на ЕУ.
Санкциите се состојат од забрана за патување и замрзнување на имотот, забрането е за било кое лице или ентитет да им стави на располагање било какви фондови на овие четири лица.
Овие санкции се првите под новиот механизам на ЕУ познат како режим на санкции за глобални човекови права, воведен во декември минатата година и кој и овозможува на ЕУ самостојно да санкционира лица и ентитети одговорни за геноцид, злосторства против човештвото, тортура, и други нарушувања на човековите права.
Ново на Сител
-
Во Собранието заврши расправата за Националната стратегија за спречување на корупција, закажана нова седница
-
Богдановиќ: Штетите кои би настанале од суспендирање на урбанистичкиот план ќе ги сноси Општината
-
Стоилковски: Ако нема пари за петтиот пакет помош, Заев нека го каже тоа јасно и гласно
-
Уште еден загинат во страшната сообраќајка која завчера се случи кај Маврово – други две се борат за живот
-
Николовски: Нема повеќе расипничко трошење на народните пари
-
МВР: Проблемот со двојните матични броеви датира од 1981 година
-
Битиќи: Четирите пакети економски мерки ги намалија негативните ефекти од кризата
-
Приведен дилер на хероин во Кичево