Српски возач тешко повреден, со „сканија“ влета во провалија кај Градско

Вчера во 16.00 часот на патот Градско-Прилеп, С.П.(41) од Република Србија, управувајќи влекач „Сканија“ со полуприколка со српски национални ознаки, излетал од десната страна на коловозот и се превртел во провалија.

Притоа, со тешки телесни повреди се здобил возачот на возилото, по што со возило на Итна медицинска помош бил пренесен во Општа болница Прилеп, каде по укажаната лекарска помош бил задржан на понатамошно лекување.

Увид на местото на настанот извршиле Јавен обвинител и екипа од Полициската станица Прилеп.