Средба Заев-Хан на Светски економски форум во Давос
Премиерот Зоран Заев, кој учествува на годинашниот Светски економски форум во Давос, Швајцарија, денеска треба да оствари средба со еврокомесарот за европска соседска политика и проширување, Јоханес Хан, соопшти владината прес-служба.
Во делегацијата предводена од премиерот Заев се и заменик претседателот на Владата на РМ, Кочо Анѓушев и министерот за економија, Крешник Бектеши.
Како што соопшти Владата, премиерот Заев на форумот во Давос, на кој и оваа година учествуваат шефови на држави и влади, други државни претставници, како и лидерите на најголемите компании во светот, ќе оствари повеќе работни состаноци и билатерални средби со потенцијални инвеститори, бизнис лидери и соработници.
Меѓу средбите со политичките и економските лидери, во агендата на премиерот Заев се и состаноци со премиерот на Република Словенија Марјан Шарец, со министерот за здравство на Владата на Сојузна Република Германија Јенс Спан, со извршниот директор на Гогле Џигсоу, како и со други лидери и високи претставници на компании на панел дебатите и неформалните собири што ќе се одржат за време на најголемиот светски економски форум.
Шефот на македонската Влада ќе учествува на дебата „Креирање на силно партнерство за економски раст и мир на Западен Балкан“, на форумот „Иднината на Трансатлантската алијанса“, како и на други форуми и дебати за поврзување во светот на глобалната архитектура на економиите.
Според најавата, вицепремиерот Анѓушев на маргините на Фоумот ќе има повеќе средби со претставници на бизниси и компании, а министерот за економија Бектеши, меѓудругото, ќе учествува на средбата на министрите коспонзори на Заедничката декларација за е-трговија.
Главната тема на годинашниот Светски економски форум во Давос, Швајцарија, кој секоја година ги собира најголемите и највлијателните светски лидери е Глобализација 4.0, во чии рамки ќе се дебатираат и иднината на економиите, ризиците на економските опоравувања, иднината на работните места, и други теми.
Ново на Сител
-
Царинската управа за една година наплатила над 177 милиони евра
-
Пожар во затвор во Сплит, неколку затвореници хоспитализирани
-
Еврокомесарот за одбрана предупредува: Воjната веќе не е незамислива
-
Сиљановска-Давкова го потпиша Договорот на ОН за заштита на водите и обезбедување нивен одржлив развој
-
Тошковски: Има обид за девалвација на процесот за набавка на униформи
-
Јаневска: Учебници ќе има за секое дете, ќе ги надминеме недоразбирањата со некои училишта и општини
-
Ако уште еднаш му се повтори ќе биде разрешен, кажа Мицкоски за Идризи кој одби да одговори на македонски на новинарите
-
Мицкоски: Никогаш нема да го политизирам случајот во Кочани, ќе се постапува за секој што е одговорен