Средба на лидерите од Западен Балкан во Охрид
Зоран Заев е домаќин на трилатералната работна средба на лидерите од Западен Балкан што денеска ќе се одржи во Охрид. На средбата ќе присуствуваат и претседателот на Србија, Александар Вучиќ и претседателот на Владата на Албанија, Еди Рама.
Агендата предвидува во Охрид да се одржи работен состанок на кој покрај тројцата лидери ќе учествуваат уште и претседателот на Советот на министри на Босна и Херцеговина, Денис Звиздиќ и министерката за економија на Црна Гора, Драгица Секулиќ.
По средбата ќе следи пленарна сесија на лидерите од Западен Балкан со претставници на меѓународни организации и институции, меѓу кои, Европската банка за обнова и развој, Регионалниот совет за соработка, Европската комисија, Светската банка и Европската инвестициона банка. По работните состаноци најавена е и прес-конференција на лидерите на Западен Балкан.
Поради средбата преземени се активности за сообраќајно и физичко обезбедување на сообраќајниците, така што во координација на полицијата со субјектите одговорни за одржување на патиштата и улиците во градот, со Фондот за комунални дејности, сообраќај и улици при општина Охрид, со јавните претпријатија, се отстрануваат сите паркирани возила од дел на сообраќајниците во градот што водат кон хотелот каде ќе се одржуваат состаноците. За време на одржувањето на средбите целосно ќе биде забрането запирање и паркирање возила на паркинг-местата на потегот булевар „Туристичка“ – „АСНОМ“ – Кеј „Македонија“, како и на улицата „Партизанска“ до крстосницата со „Јане Сандански.
Ново на Сител
-
ЕУ размислува за прием на нови членови без право на вето
-
Во Скопје ќе има втор круг, градоначалник ќе се бира меѓу Ѓорѓиевски и Мециновиќ
-
Меѓународните набљудувачи ќе ги презентираат своите наоди за Локалните избори 2025
-
Интервјуирање кандидати за судија во ЕСЧП во Стразбур
-
Зеленски: Украина нема ништо да му даде на агресорот и нема ништо да заборави
-
Русија престана да снабдува гас од Казахстан поради нападот во Украина
-
Сончево со мала до умерена локална облачност
-
Мицкоски: Ова е триумф на народот, Македонија не избра партија туку вредност и насока