Средба на Груби со унгарскиот амбасадор Ласло Дукс
Состојбата во Македонија и во регионот, интегративниот процес во НАТО и ЕУ, прашањето за името, јазичната еднаквост и системските реформи, беа темите за кои денеска разговараа претседателот на собраниската Комисија за европски прашања Артан Груби и амбасадорот на Унгарија Ласло Дукс.
На средбата во Собранието на Република Македонија, Дукс ја нагласи силната поддршка од унгарска страна за македонското интегрирање во НАТО и ЕУ.
Груби го информира амбасадорот дека Комисијата, со поддршка на сите 26 членови и заменици, едногласно ја усвои Декларацијата за забрзување на реформските и интегративните процеси во НАТО и ЕУ.
- Оваа Декларација е обврска од Пржинскиот договор и целосната поддршка од страна на сите пратеници е големо постигнување и посветување кон реформите, рече Груби и нагласи дека овој процес ќе го води на транспарентен, сеопфатен начин, во партнерство со меѓународната заедница и цивилното општество.
Груби и амбасадорот Дукс разговараа и за јазичната еднаквост. Во овој контекст, Груби ги нагласи очекувањата дека законот за јазикот ќе се усвои што поскоро.
Ново на Сител
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036