Средба Иванов - Хојт Ји: САД да помогнат да се надминат пречките за доделување мандат


Претседателот на Република Македонија, Ѓорге Иванов, денеска на средбата со Хојт Брајан Ји, заменик-помошникот на државниот секретар за европски и евроазиски прашања на САД, го осуди секое политичко и физичко насилство и истакна дека единствено преку дијалог мора да се бараат решенија за новонастанатата политичка состојба.
Како што соопшти Кабинетот на претседателот, Иванов подвлече дека доколку постои вистинско лидерство од претседателите на парламентарните партии, правната и политичката пречка за определување на мандат за состав на влада се надминливи.
Македонскиот претседател, се додава, побара од САД, како стратешки партнери на Република Македонија, да помогнат за пречките да се отстранат и да се овозможи парламентарното мнозинство да го добие мандатот.
- Преседаните со кои се воведува практика, а нелегалното станува легално ги поткопува основните демократски принципи, истакна претседателот Иванов, се наведува во соопштението.
Воедно, како што се посочува, Иванов бара од лидерот на СДСМ да го исполни јавно искажаниот збор дека „заедно со коалиционите партнери ќе дојдат и ќе обезбедат гаранции за зајакнување на унитарноста на државата и дека се ќе биде во согласност со Уставот на Република Македонија“.
- Платформата од Тирана не може да биде услов ниту, пак, основа за формирање Влада во Република Македонија, констатираше македонскиот претседател, кој воедно ги повика граѓаните да останат воздржани и трпеливи, затоа што, се посочува, постојат решенија кои треба да се донесат со разум и преку дијалог.
Ново на Сител
-

Владата во Никарагва ослободи околу 40 политички затвореници
-

Локални избори во три општини во Србија
-

Повеќе скопски улици во општините Бутел и Гази Баба денеска ќе останат без вода
-

Четворица мртви и десет ранети на семеен собир во Калифорнија
-

Венецуела му одговори на Трамп: Тоа е колонијалистичка закана
-

Белгиски војник загина при воена вежба во Литванија
-

Една година Еврокомисија „Фон дер Лајен 2“: Амбиција за изградба на понезависна, поконкурентна и побезбедна Европа
-

Пpоменливо облачно со сончеви периоди, во утринските часови наместа ќе провејува слаб снег
