Средба Ахмети - Петков

Претседателот на ДУИ, Али Ахмети денеска се сретна со бугарскиот амбасадор Иван Петков.

Како што соопшти ДУИ, Ахмети и Петков во просториите на Амбасадата, разговарале за договорот меѓу Скопје и Софија, за политичката ситуација во земјата, реформите, јазичната еднаквост и интеграцијата на земјата во НАТО и ЕУ.

Ахмети го поздравил договорот за добрососедство меѓу Македонија и Бугарија, оценувајќи го како големо достигнување на патот кон НАТО и ЕУ, но и како придонес за стабилноста и безбедноста во регионот. Ахмети нагласил дека примерот на договорот со Софија треба да служи за спорот со Атина со цел целосно да се деблокира нашиот евроатлантски пат.

На средбата Ахмети ја истакнал и важноста за што побрзо заокружување на Охридскиот договор преку усвојување на законот за употреба на јазиците, што, како што се наведува, ќе придонесе за еднакво и покохезивно општество.