„Срцето е тупаница“ – книга од новата едиција „Магични приказни“
Книгата „Срцето е тупаница“ од младата норвешка авторка Ингрид Уведие Волден излезе од печат во издание на Издaвачкиот центар ТРИ.
Книгата е дел од новата едиција „Магични приказни“ поддржана од програмата „Креативна Европа“ на Европската Унија.
Делото ја донесува приказната за една детска, чиста љубов меѓу двајца млади која станува пример за победата на стравот од другите.
Се се случува кога еден ден учениците добиваат необична задача – секој да подготви проект за еден орган од телото. Во потрага по информации, новото молчаливо девојче во одделението, Алине, сè почесто се среќава со Оливер во болницата, каде што на кардиологија лежи татко му, со синдром на скршено срце по разводот. Алине го избира срцето – големо колку тупаница, но толку моќно. Оливер го избира окото, органот кој го снима филмот на нашите животи. Од тие нивни средби се раѓа невината детско-младешка љубов. Но, дали ќе може да продолжи кога таткото ќе оздрави, а задачата ќе биде завршена?
Ингрид Уведие Волден се етаблира како еден од најважните гласови во норвешката литература за деца и млади со овој роман за првата, детски чиста љубов. Прв нејзин роман за деца и млади е „Се’што е важно“, во 2016 година, со кој е номинирана за најдобар дебитант од Министерството за култура на Норвешка, стои во соопштението од Издавачкиот центар ТРИ.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата