Србија отвара две поглавја во преговорите со ЕУ
Србија денеска на меѓувладината конференција во Брисел ќе ги отвори првите две поглавја во преговорите со Европската унија, со што ќе почне нова фаза во процесот на европските интеграции.
Српската делегација на втората меѓувладина конференција, на која ќе бидат отворени Поглавјето 32, кое се однесува на финансиската контрола и Поглавјето 35, посветено на нормализација на односите меѓу Белград и Приштина, ќе ја предводи премиерот Александар Вучиќ.
Портпаролот на високиот претставник на Европската унија за надворешна политика и безбедност Маја Коцијанчич изјави за Танјуг дека прво се очекуваат воведни обраќања на учесниците, по што претставиците на ЕУ ќе ги изнесат своите ставови, потоа Србија ќе го изнесе својот став, по што следуваат заклучни зборови.
Вучиќ очекува дека Поглавјето 32 брзо ќе се затвори, додека како што посочи Поглавјето 35 ќе биде мошне тешко и ќе остане отворено до крајот на процесот на пристапување на Србија во ЕУ.
Првата меѓувладина конференција меѓу ЕУ и Србија, како официјален почеток на преговарачкиот процес е одржана пред речиси две години, на 21 јануари 2014 година во зградата на Европскиот совет во Брисел.
Ново на Сител
-
Стартува трката за пратеници, уште пет дена претседателска кампања
-
Во Брисел продолжува дијалогот меѓу Белград и Приштина за употребата на динарот во Косово
-
Американскиот Конгрес на 20 април ќе гласа за помошта за Украина и Израел
-
Избори во Хрватска: По преброени 98 отсто од гласовите - ХДЗ има 60, а СДП 42 пратенички мандати
-
Лидерите на ЕУ повикаа на борба против дезинформациите, манипулациите и странското мешање во изборните процеси
-
Сообраќајот по влажни коловози, одрон на патот Берово - Будинарци
-
Променливо облачно со повремен дожд, на планините и снег
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44