Србија и Косово ќе именуваат спорно езеро по Доналд Трамп
Србија и Косово во четвртокот се согласија да го именуваат езерото на спорна територија според претседателот Доналд Трамп, пренесува „Газета експрес“.
Езерото, познато кај Косоварите како Ујман, а кај Србите како Газивода, е предмет на спор меѓу двете земји: околу 80 отсто од неовите води се на Косово, а 20 отсто во Србија. Во четвртокот кај езерото се појави транспарент на кој пишуваше Езеро Трамп.
„Газета експрес“ дознава дека и косовскиот премиер Авдулах Хоти и српскиот претседател Александар Вучиќ изразиле подготвеност да го прифатат името.
„Како да се нарече езерото што е на Косово и на Србија е е сериозна точка на застој и покрај договорениот компромис од САД за почнување физибилити студија за создавање работни места и поголема енергија за регионот … така што двете страни се согласија за ново име – Езеро Трамп“, напиша поранешниот в.д. директор на Националното разузнавање (ДНИ) Ричард Гренел на Твитер.
Косовскиот премиер Хоти во четвртокот потврди дека иницијативата е вистинска, дека Гренел навистина ја покренал и дека не е невообичаено Косово да прави вакви потези.
„Како знак на почит и чест за нивната одлучувачка улога за слободата, независноста и признавањето на државноста на Косово низ целиот свет, ние ги именувавме нашите најдобри булевари според најистакнатите личности на САД, како на пр. претседателот Клинтон, Џорџ Буш, сенаторот Боб Дол, секретарката Медлин Олбрајт и други. Наша традиција и култура е да го почитуваме пријателот! Ова е благородна традиција на нашите предци што секогаш ќе ја почитуваме “, напиша Хоти на Фејсбук.
Ново на Сител
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа
-
Лошиот квалитет на водата ги одложи маратонските трки на СП
-
Баро: Ќе воведеме санкции кон Иран ако до август нема напредок во нуклеарниот договор
-
Граѓанската иницијатива Зелен хуман град ја поздрави пресудата за убиството на кучето Феликс
-
Приведено едно лице од Куманово поради управување моторно возило под дејство на алкохол
-
Во Србија од октомври го зголемуваат минималецот на 500 евра
-
За кокаин и убиства по нарачка шестмина членови на криминалната група Грчец осудени на вкупно 50 и пол години затвор