Спречен обид за државен удар во Судан, соопшти Воениот совет
Владеачкиот Воен совет на Судан соопшти дека е спречен обид за државен удар во земјата.
Американските медиуми наведуваат дека инцидентот се случил само неколку дена откако војската и продемократската коалиција се договориле за заеднички совет што ќе ја има власта во земјата до оддржување на новите избори.
Генерал-полковник Гамал Омар, еден од членовите на Воениот совет, изјави дека се уапсени 16 активни и пензионирани воени офицери.
Според него, силите за безбедност во моментов трагаат по лидерот на групата што се обиде да го изведе државниот удар, како и по други инволвирани лица.
Името на лидерот на оваа група засега не се наведува.
Воениот совет и продемократската коалиција минатата недела постигнаа спогодба за заеднички совет што ќе биде на власт околу три години, додека не се организираат следните избори во земјата.
Судан се наоѓа во политички ќорсокак, анализираат западните агенции. Повеќедеценискиот претседател на земјата Омар ал-Башар со пуч беше симнат од власта во април годинава.
Ново на Сител
-
Без вода дел од стар Аеродром
-
МВР: Нормализиран протокот на граничните премини, не е точно дека е вратен стариот систем на контрола на ГП Блаце
-
Трамп објави царини од 30 отсто за Мексико и Европската Унија
-
Мицкоски за можна вмешаност на функционер од ДУИ во пожарите: Aко се потврди вина, ќе биде проблем за некои!
-
Битолчанец фрлил експлозивна направа на улица, оштетил седум автомобили
-
Автомобил без контрола се движел кон полицајци, дрвокрадци рипнале од него во движење
-
Припадникот на АРМ бил убиен бидејќи неговата ќерка одбила да се мажи со лицето кое пукало
-
OJO бара притвор за напаѓачот на Арсовска