Спасовски: Извештајот на ЕК е феноменален, очекувам набргу да ги почнеме преговорите

– Во извештајот децидно стои дека Владата ги зајакнала своите напори во спроведувањето на реформите, таму се констатира се она што беше направено, дадени се најпозитивни оценки за Македонија, преземени се сите мерки кои што треба да бидат преземени во делот на реформскиот процес и тоа е добра основа, час поскоро да ги започнеме преговорите за членство со ЕУ, изјави Спасовски при денешната посета на ГП Табановце.

Според него, логично е да се очекува да се добие тоа што е заслужено, особено граѓаните кои, како што наведе, 30 години работат во транзиции и реформи.

– Денес кога целата ЕУ, кога сите земји членки укажуваат дека Македонија направи се што требаше да биде направено, нормално е дека очекувам конечно граѓаните да добијат мотив повеќе и да ги отвориме преговорите со ЕУ, рече Спасовски.