СП2022: Новинарка ограбена во Катар, полицијата ѝ понудила да избере казна за сторителот
Аргентинска новинарка е ограбена во Доха во близина на зона во која се собираат навивачите за Светското фудбалско првенство, а при сослушувањето од полицијата и било ветено дека сторителот брзо ќе биде откриен и ѝ било понудено самата да избере казна за крадецот.
Инцидентот се случил додека новинарката Доминик Мецгер снимала прилог од Мундијалот во Катар за аргентинска телевизија, кога непознат сторител и го извлекол паричникот од чантата.
Мецгер по пријавување на случајот била однесена во друга полициска станица, во женски оддел, каде и било укажано дека треба да даде изјава.
-Тогаш се случи еден комплексен момент. Ме прашаа како сакам да биде казнето тоа лице. Ми објаснија дека камери се поставени насекаде и оти брзо ќе го најдат сторителот, појасни Мецгер.
Катарските полицајки на аргентинската новинарка и рекле дека самата може да избере казна за сторителот и притоа ја прашале дали сака да му биде изречена казна затвор во траење од пет години или да биде депортиран.
-Им одговорив дека навистина не сакам да се ставам во таква позиција и оти не можам да одлучувам за такви работи бидејќи не сум судија, рече новинарката на аргентинска телевизија.
Ново на Сител
-
Трамп: Имаме основа за стабилен договор со Кина
-
Специјалната претставничка на Обединетото Кралство за Западен Балкан, Карен Пирс на средби со државниот врв
-
Дополнетиот предлог закон за енергетика на пленарна седница
-
Вистината за прогонувањето на Македонците во Бугарија е изнесена на виделина – денес, промоција во „Матица македонска“
-
Без струја корисници во Карпош и Кисела Вода
-
ОН: Планот на Израел за помош е „цинична претстава“
-
Макрон: Не сакаме да почнеме трета светска војна
-
Се наоѓаме најблиску досега до крај на војната во Украина, тврди американски дипломат