Советот на министри на ЕУ ќе расправа за Западниот Балкан
Состојбите во земјите од Западниот Балкан ќе биде една од темите на денешниот состанок на министрите за надворешни работи на земјите членки на ЕУ.
На седницата на Советот на министри ќе се обрати високата претставничка на ЕУ за надворешна политика и безбедност Федерика Могерина, која ќе ги информира министрите за резултатите и разговорите од нејзината минатонеделна турнеја низ земјите од Западен Балкан.
Се очекува министрите да усвојат заклучоци, кои ќе бидат основа за подготовка на извештајот за Западен Балкан, што треба да биде донесен на Самитот на ЕУ што ќе се одржи в четврток и петок во Брисел.
Во соопштението на Советот на ЕУ во пресрет на министерскиот состанок се наведува дека „Западен Балкан има јасна европска перспектива, која е основа за стабилноста, помирувањето и иднината на регионот“.
- Се очекува министрите да го потврдат ангажманот и фокусот на ЕУ кога е во прашање регионот, вклучувјаќи го и одржувањето на политичките и економксите врски со него. Од тој аспект од клучно значење е развојот на регионалната соработка и добрососедските односи, се додава во соопштението.
Според извори во Брисел, се очекува во заклучоците од министерската средба да се нагласи неопходноста од продолжување на реформските процеси во регионот со цел да се обезбеди „непречено напредување на партнерите од Западен Балкна на еврропскиот пат“.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање