Состојба со Ковид-19 во светот до 17 часот
Според најновите податоци, во светот досега се регистрирани 494.121 луѓе заразени со новиот коронавирус. Од нив починати се 22.266, а оздравеле 119.785 лица.
– Шпанскиот фудбалски гигант Реал Мадрид ќе го адаптира својот стадион „Сантијаго Бернабеу“ во магацин за медицински материјал и опрема.
– Јапонија ќе воведе забрана за влез на странски патници кои пристигнуваат од 21 европска земја и од Иран, согласно рестриктивните мерки за спречување на новиот коронавирус, изјави јапонскиот премиер Шинѕо Абе.
– Во Србија се потврдени уште 73 случаи на зараза со Ковид-19, со што вкупниот број сега изнесува 457 лица. Почина уште едно лице, на 48-годишна возраст, што е трета жртва денеска, и вкупниот број на смртни случаи во земјата сега изнесува седум лица.
– Во Мајами е воведен полициски час, како мерка за спречување на ширењето на коронавирусот. Забрането е движење од 22 часот навечер до пет часот наутро.
– Бројот на заразени со коронавирусот во Германија се зголеми на 36.508 лица, што е за 4.954 повеќе од вчера, и 198 починати, а претседателот на државата Франк-Валтер Штајнмаер истовремено ги повика граѓаните да покажат солидарност и надвор од границите на Германија.
– Унгарската Влада очекува пик на епидемијата на Ковид-19 во јуни и јули, изјави шефот на кабинетот на премиерот Виктор Орбан. Според официјалните податоци, во земјата досега има 261 заразено лице, а десет луѓе починале.
– Словенија има резерви на заштитна опрема за уште една недела, соопшти Словенечката служба за цивилна заштита.
– Бројот на смртни случаи од коронавирус во САД е над илјада, а болниците во Њујорк и другите центри на зараза се борат да примат се поголем број на пациенти.
– Бројот на потврдени случаи на зараза со коронавирус во Холандија се зголеми за 1.019 (16 отсто) и достигна 7.431, соопштија здравствените власти во земјата.
– Кризата со коронавирусот во Германија предизвика намалување на цената на млекото.
– Илјадници австралиски здравствени работници ќе учествуваат во клинички испитувања за да утврдат дали вековната вакцина против туберкулоза може да го победи новиот коронавирус, соопштија научници.
– Рускиот претседател Владимир Путин верува дека Русија може да го победи коронавирусот за помалку од три месеци.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден