Состанок на Еврогрупата за Грција

Грчкото прашање ќе доминира на попладневниот состанок на Еврогрупата, соопшти Советот на ЕУ, доавајќи дека кредиторите ќе ги информираат министрите за финансии на ЕУ за вториот преглед на програмата по нивната посета на Атина во средината на ноември.

Во интервју за радио станицата „Атина 9,84 ФМ“, портпаролот на грчката Влада, Димитрис Цанакопулос истакна дека грчката Влада нема да се повлече пред притисокот на Меѓународниот монетарен фонд (ММФ) за воведување повеќе мерки.

- Ние јасно ставивме до знаење дека не постои можност да ги прифатиме сите барањата на ММФ во однос на мерките, но, исто така, и во врска со прашањата на работниците, рече тој.