Состанок меѓу Македонија и Комитетот на регионите на Европската унија
Во организација на Заедницата на единиците на локална самоуправа (ЗЕЛС) и Министерството за локална самоуправа денеска во Охрид ќе започне 12. состанок на Заедничкиот консултативен комитет меѓу Република Македонија и Комитетот на регионите на Европската унија (ЗКК).
Ова тело има за цел да оствари поблиска соработка на локалните власти од Македонија со Европската унија, преку Комитетот на региони.
Состанокот, како што е најавено, ќе го отвори градоначалникот на Охрид, Никола Бакрачески, а ќе се обратат и претседателот на ЗЕЛС, Коце Трајановски и заменик министерот за локална самоуправа Љупчо Пренџов. На состанокот ќе се обратат и двајцата ко-претседавачи на ЗКК, Ивица Коневски, градоначалник на општина Аеродром и Жан- Франсоа Истас, општински советник на Вервие (Белгија).
Учесниците ќе разговараат за статусот на процесот на проширување и вклучување на локалните власти каде излагање ќе има шефот на Делегацијата на Европската унија Аиво Орав, а гардоначалникот на Гевгелија Иван Франгов и државниот секретар во Министерството за внатрешни работи Анастасија Илиеска ќе говорат за предизвиците и состојбите во земјава предизвикани од бегалската криза.
На состанокот ќе се дебатира и за фискалната децентрализација, област во која искуства ќе пренесат претставници од Европската унија, а за искуствата на локалните власти во Македонија ќе говори градоначалникот на општина Боговиње, Хазби Идризи.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп