Сореца: Реформата е единствениот пат што ја води Албанија во ЕУ

Амбасадорот на ЕУ во Тирана, Луиџи Сореца, на „Твитер“ напиша дека ЕУ останува цврсто определена во својата заложба да го донесе албанскиот народ во Европа.

-Заложбата на Европа за интеграцијата на Албанија во ЕУ останува цврста. ЕУ ќе продолжи силно да го поддржува патот на Албанија кон ЕУ, да го донесе албанскиот народ во семејството на кое му припаѓа, напиша Сореца,пренесе тиранската телевизија Ора Њуз.

Сореца ги повика албанските власти да продолжат да се фокусираат за продолжување на реформите „многу повеќе за нивната земја и граѓаните, отколку за Европа“, додавајќи дека изборната реформа е единствениот пат што ја носи Албанија во ЕУ.

-Албанските власти мора да продолжат да се фокусираат на реформскиот процес, единствениот пат што ќе ја одведе Албанија до нејзината дестинација. Не за ЕУ, туку за Албанија и за сите нејзини граѓани, за напредокот на земјата кон највисоките стандарди кога станува збор за демократијата, напиша евроамбасадорот Сореца