Сопружници од Словенија свесно ширеле коронавирус
Во Словенија две лица, сопружници се пријавени заради непочитување на карантинските правила и за ширење на вирусот Ковид-19, за што им следи парична или затворска казна, изјави портпаролот на словенечката влада, Јелко Кацин.
Според Кацин, 37-годишна жена дознала дека нејзиниот сопруг има вирус „Ковид-19“, но кога ја повикала брзата помош, таа не ги известила дека тој има коронавирус, со што го загрозила здравјето на другите луѓе, пренесува СТА.
Во меѓувреме, нејзиниот сопруг, кој работи за голема словенечка компанија, продолжил да доаѓа на работа и покрај тоа што требало да биде во карантин, поради што е поднесена кривична пријава против брачната двојка за ширење на коронавирус од небрежност.
Кацин додаде дека досега се издадени 1.213 налози за карантин на граничните премини со Унгарија и Хрватска и на аеродромот во Љубљана и дека повеќето луѓе се придржуваат кон самоизолацијата.
Ново на Сител
-
Тема на денот со Марјан Ѓорчев, поранешен амбасадор во Софија
-
Монструозно двојно убиство и самоубиство во Прилеп
-
Нерешени имотно правни работи - најчеста причина за нарушени семејни односи во Македонија
-
СДСМ смета дека граѓаните не се безбедни
-
И по една недела пожарот во с. Николиќ се уште активен
-
Судот утре ќе решава по жалбата на ОЈО за притворот на напаѓачот на градоначалничката Арсовска
-
Пуштени за сообраќај 20 километри од автопатот Кичево - Охрид
-
Пожарот кај Николиќ не стивнува, опожарени над 1.000 хектари