Сообраќајка на автопатот Велес-Скопје, повредени две лица

Две лица се повредени во сообраќајна несреќа што се случи синоќа на автопатот Велес-Скопје по тунелот „Катланово“.

Министерството за внатрешни работи соопшти дека сообраќајната несреќа се случила синоќа, околу 19,00 часот на еден километар после тунелот “Катланово“ во која А.Д. (35) од Скопје управувајќи патничко моторно возило „Дачиа Логан“ со скопски регистерски таблици, изгубил контрола над возилото, кое излегло надвор од коловозот и се превртело.

Од незгодата А.Д. се здобил со тешки телесни повреди и е задржан во комплексот клиники “Мајка Тереза“, додека со телесни повреди се здобила неговата сопруга М.Д.(37).

Увид на местото на настанот бил извршен од страна на увидна екипа од СВР-Велес и се работи на целосно расчистување на случајот.