СОНК обвинува дека наставниците се под притисок во пресрет на штрајкот

Власта врши притисок во градинките пред штрајкот најавен за понеделник. 

Синдикатот најавува кривични пријави за сите кои ќе се обидат да ги присилуваат вработените да работат или се закануваат со заменски работници на нивните места. 

Законот кој предвидува заменски наставници во случај на штрајк го усвои претходната Влада во 2015 година. СОНК и тогаш жестоко се противеше на одредбата, а МОТ побара таа да биде избришана од законите затоа што како таква е единствена во светот.

СОНК не успеа да се договори со Владата за зголемување на платите согласно новата минимална плата и затоа од понеделник ќе влезе во генерален штрајк.

И другите синдикати се жалат дека мартовската плата не е усогласена и се исплаќа по старо.

Од КСС велат дека револтот расте и дека до крајот на овој месец може да се очекува радикализација која ќе значи масовни протести или генерален штрајк. 

Утре и задутре ќе штрајкуваат и администратовците членови на УПОЗ. Тие нема да работат во период од 10 до 12 часот.