„Соколите“ ги дознаа противниците за ФИБА Еврокупот

Екипата на Карпош Соколи ги доби противниците во групната фаза на ФИБА Европа купот. 

 

Откако „Соколите“ беа елиминирани уште во првото квалификациско коло во ФИБА Лигата на шампиони, тие добија шанса да се натпреваруваат во Еврокупот. 

 

Карпош Соколи ќе играат во групата Х, каде за противници ќе ги има двете унгарски екипи Солнок и Фалкон, како и руски Нижни Новогород кој доаѓа од Лигата на шампионите.

 

Сезоната за Карпош Соколи во Европа купот ќе започне на 18 октомври кога тимот гостува кај Солнок, додека првиот домашен меч ќе се игра на 25 октомври, против фаворитот во групата Нижни.