Собраниска седница за изменување на одлуката за распуштање на Собранието

Собранието на Република Македонија доцна вечерва ја почна 95-тата седница на чиј дневен ред се одлуката за изменување на одлуката за распуштање на Собранието на Република Македонија и предлог закон за изменување на Изборниот законик.

Одлуката е предложена од пратениците од ДУИ и ДПА, а за иницијативата свој потпис ставила и пратеничката Лилјана Поповска. 

Со одлуката се предвидува менување на членот  2 од веќе донесената одлука Парламентот да се распушти на 24 февруари и се бара тој датум да биде 7 април оваа година.

Доколку се земе предвид дека Парламентот се распушта 60 дена пред одржување на изборите, предвремените парламентарни избори треба да се одржат на 5 јуни.

На почетокот на седницата, претседателот на Парламентот Трајко Вељановски информира дека вечерва министрите и дополнителните заменици министри од СДСМ лично ги повлекле условените оставки што денеска ги поднесоа до Владата.