Собранието ќе ја продолжи петтата седница, на дневен ред и изборот на заменици министри

Собранието на Република Македонија денеска треба да ја продолжи петтата седница на која точка на дневен ред е изборот на заменици - министри на Владата.

Оваа точка по барање на пратеникот Илија Димовски од ВМРО-ДПМНЕ беше поместена како последна на дневниот ред на седницата со цел пратениците да имаат повеќе време да се подготват за дебата.

Пред да расправаат за изборот на заменици - министри, пратениците во македонското Собрание ќе ги разгледаат годишните извештаи на неколку институции, а ќе дебатираат и за граѓанската иницијатива за донесување на закон за изменување на Законот за работни односи со која се бара продолжување на породилното отсуство.