Собранието ќе гласа за предлог-одлуката за петмина потпретседатели
Пратениците денеска треба да гласаат, меѓу другото, за предлог-одлуката за утврдување на бројот на потпретседателите на Собранието. Се предлага, Парламентот да има пет потпретседатели, а до минатиот состав тројца, од кои еден на предлог на опозицијата.
Со оваа одлука со која се зголемува бројот на парламентарните потпретседатели не се согласува опозициската ВМРО-ДПМНЕ. Доскорешниот координатор на пратениците од оваа партија неодамна изјави дека неговата партија нема да предложи потпретседател, но оваа одлука сега, по изборот на нов лидер и нов координатор на партијата, станува неизвесна.
Осум месеци по изборот на претседател, Парламентот функционира без негови заменици.
Изборот на потпретседатели на Собранието е на дневен ред на 12. седница, а денеска треба да се одржат уште четири собраниски седници - единаесеттата, тринаесеттата, петнаесеттата и дваесет и втората седница.
Преостанати точки од дневниот ред на 11-тата седница се предлог законите за изменување и дополнување на законите за културата, за регистрирање готовински плаќања, за заштита од пушењето, за безбедност на сообраќајот на патиштата, сите по скратена постапка.
На продолжението на 13-тата седница се Предлог законот за трговија на зелени пазари, по скратена постапка, како и интерпелациите за работата на министрите за земјоделство, шумарство и водостопанство Љупчо Николовски, и за труд и социјална политика, Мила Царовска, поднесени од пратеници од опозициската ВМРО-ДПМНЕ.
Во рамки на продолжението на 15-тата седница, пак, пратениците треба да расправаат за Предлог законот за престанување на важењето на Законот за националниот уметник на Република Македонија, во прво читање, како и Предлог законот за издавање вредносни бонови – ваучери, исто така во прво читање, на предлог на пратеници од ВМРО-ДПМНЕ.
Предлог законите за изменување и дополнување на законите за Судскиот совет на РМ и за заштита на сведоци, по скратена постапка, како и Предлог законот за престанок на важењето на Законот за Советот за утврдување на факти и покренување постапка за утврдување одговорност за судија, исто така по скратена постапка се единствените преостанати точки на дневниот ред на 22-та седница на Собранието.
Ново на Сител
-
Орбан: Украинците ја загубија војната, Русија победи, единственото прашање е кога Западот ќе го признае тоа
-
Приведен 55-годишен скопјанец, со камења фрлал по хеликоптер додека полнел вода за гасење пожар
-
ЦУК: Активни три пожари на отворено од 33 изминатото деноноќие
-
Собраниската Комисија за изборите и именувањата ќе формира Комисија за селекција на кандидати за претседател на ДКСК
-
Трамп денеска ќе разговара со Зеленски
-
Свечена владина седница по повод 24 години од Охридскиот рамковен договор
-
Стејт департментот го осуди влошувањето на човековите права во Европа
-
Франција, Германија и Велика Британија подготвени повторно да воведат санкции кон Иран