Со концерт на гитаристите Тања Стојановска и Михајло Стојанов почна Скопскиот летен ритам
Со концерт на гитаристите Тања Стојановска и Михајло Стојанов, синоќа на плоштадот „Мајка Тереза“, пред платото на МОБ, почна проектот „Скопски летен ритам“. На концертот присуствуваше и градоначалникот на Град Скопје, Коце Трајановски.
„Скопски летен ритам“ се реализира во рамки на проектот „Улични музичари и артисти“, на централнoто градско подрачје, односно на плоштадите „Мајка Тереза“, „Филип Втори“, „ВМРО“, „Македонија“ и „Богородица“.
На секој од плоштадите, секој петок, сабота и недела во вечерните часови ќе се одржуваат 6 до 7 настани, во соработка со изведувачи солисти или музички групи од сите генерации, кои изведуваат жанровски и стилски разновидна музика.
На плоштадот „Мајка Тереза“ ќе настапуваат изведувачи на класична и сериозна музика. На плоштадот „ВМРО“ ќе има богата детска програма, а во вечерните часови ќе има програма наменета за млади. На плоштадот „Богородица“ ќе настапуваат изведувачи на фолклорна и етно музика, а на плоштадот „Македонија“ ќе има богата програма од различни жанрови и за сите генерации.
Културно-уметничките настани ќе се одржуваат до крајот на септември, а доколку се поволни временските услови може да има настапи и во месец октомври.
Настаните се во организација на ЈУ „Конгресен центар Александар Македонски“ и Град Скопје.
Директорот на ЈУ „Конгресен центар Александар Македонски“, Вера Бошковска, најави 40 настапи на околу 100 учесници и богата и разновидна програма наменета за граѓаните и туристите во Скопје.
Целта на овој проект е културно заживување на централното градско подрачје преку урбаната култура и генерирање нова и стара публика со квалитетна културно-уметничка програма која ќе ја надополни и збогати атмосферата и амбиентот на Скопје.
Ново на Сител
-
Сиљановска Давкова: Жените од руралните средини се хероините на кои треба да им се восхитуваме
-
Бербок: Берлин е за укинување на едногласноста во ЕУ, но додека тоа не се случи, Скопје мора да ги почитува компромисите
-
Финансиската полиција со кривична пријава против едно лице до ОЈО Радовиш за несовесно работење во службата
-
Полицијата го расчисти случајот со пукањето во Чаир, приведени четири лица
-
Defender на џез авантура – Ексклузивен спонзор на Скопски џез фестивал
-
Лекарската комора ќе го разгледува извештајот за починатото бебе во Скопје
-
За една недела пет нови случаи на пертусис на ниво на Центар за јавно здравје Куманово
-
Во петок и сабота повремени локални врнежи и пониски температури