Снег урна кров на куќа во кавадаречко
Снегот го урна кровот на селскиот дом во кавадаречко Бохула, стар околу 80 години. Претседателот на месната заедница, Душко Ѓорѓиев рече за МИА дека ќе бара од кавадаречката локална самоуправа во чија сопственост е селскиот културен дом, да се помогне во спасувањето на објектот и преадаптирање на дел од него во своевидно планинарско катче, имајќи ја во предвид планинарската активност на лица кои потекнуваат од ова село, особено на браќата Мелови.
– Изминатата година со помош на Општината Кавадарци беа поплочени неколку улици. За оваа година, од општинскиот буџет, за нашето село се предвидени околу четири милиони денари. Не застануваме тука. Понатаму исто така ќе се залагаме за развој на селото и селскиот туризам, нагласи Ѓорѓиев, инаку поранешен градоначалник на Општината Конопиште, во која влегуваа десетина села од Бошавијата, меѓу кои и Бохула.
Тој рече дека бројот на постојани жители во селото е околу 30, но него редовно го посетуваат планинари, викендаши, рекреативци и љубители на селскиот туризам.
– Има можеби над 105 куќи и редовно има интерес за изградба на нови викендички, бидејќи селото ги има сите услови за живот, додаде Ѓорѓиев.
Популарно од Македонија
Ново на Сител
-
Од вкупно 22 пожари на отворен простор низ државата, активен е само пожарот во Националниот парк Јасен
-
Стармер и Макрон ветија дека ќе работат за праведен и траен мир во Украина
-
Зеленски им се заблагодари на европските лидери за заедничката изјава за мир во Украина
-
Илјадници демонстранти во Тел Авив повикаа да се стави крај на војната во Газа и да се ослободат заложниците
-
Уапсени 30 странски државјанки во тетовско, го злоупотребиле туристичкиот престој
-
Пронајдена дрога при претерес во Гостиварско
-
Речиси 1.900 камиони со хуманитарна помош се дистрибуирани минатата недела во Газа
-
Поранешниот премиер на Чад осуден на 20 години затвор за поттикнување насилство
