Словенско младинско гледалишче со Херој 1.0 на Импакт во Велес

 

Претставата е во режија и концепт на Урош Каурин и Вито Вајс,  кои се воедно и актерите во претставата.

 

Инаку, синоќа на малата сцена на велешкиот Народен театар во рамките на ИМПАКТ беше изведена претставата „Федра“ во режија на Александар Ивановски, која е копродукција на Велешкиот театар и Словенското младинско гледалишче од Љубљана, а во која играат актерите Васил Зафирчев и Маруша Облак. 

 

Режисерот Ивановски, кој воедно е и раководител на Импакт, оцени дека е задоволен од развојот на фестивалот, бидејќи според него почнал да профилира мала, но своја публика, која вели се зголемува од година во година.

 

- Тоа зборува за гладта на велешката публика за нови искуства и перспективи во театарот и интерес за нови читања на театарските текстови, потенцира Ивановски.

 

Тој појасни дека идејата на „Импакт“ фестивалот е да создаде простор, кој континуирано секоја година барем неколку дена ќе носи провокативни претстави, кои се различни од она што сме навикнале да го гледаме на сцената во Велес и воопшта на македонските театарски сцени.