Словенија воведува нови мерки, речиси 400 новозаболени од коронавирус
Во Словенија, во изминатите 24 часа, коронавирусот беше потврден кај 397 лица од 3.308 тестирани, додека четири лица починале. Со просечно 120 новоинфицирани дневно на 100 илјади жители во последните 2 недели, исполнет е најважниот од критериумите за активирање на дополнителни ограничувачки мерки, изјави претставникот на словенечката влада, Јелко Кацин.
За кои мерки станува збор во рамките на третиот пакет мерки предвидени за портокаловиот корона-аларм ќе се одлучи на утрешната владина седница, најави Кацин.
Овие мерки вклучуваат воведување вонредна состојба на нивоа од општината до регионот, општа забрана за посета на болници и други институции, затворање на барови, ресторани и спортски сали, пренесува агенцијата СТА.
Владата исто така може да воведе правило дека само еден клиент може да биде услужен во фризерски салони и салони за убавина, како и забрана на верски церемонии и свадби во некои општини.
Владата на Словенија на утрешната седница може да донесе сите или само некои од споменатите мерки.
Во болниците има 180 пациенти, што е за осум повеќе од вчера, а 32 лица се на интензивна нега, односно шест повеќе од претходниот ден.
Бројот на активни случаи е зголемен за 8,7 проценти и изнесува 3.744, пренесуваат словенечките медиуми.
Од почетокот на епидемијата во Словенија се регистрирани 9.231 случаи на коронавирус, а 173 лица починале.
Ново на Сител
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи