Словенечка амбасада: Нема договор за заеднички превоз на мигранти од Македонија до Австрија

Амбасадата на Република Словенија во врска информациите во некои медиуми за заеднички превоз на мигранти од Македонија до австриската граница односно до Австрија, денеска соопшти дека на состанокот на директорите на полициите на Словенија, Австрија, Хрватска, Србија и Македонија во Скопје до таков договор не дојде. 

- Словенечка иницијатива беше дека на целиот балкански пат треба да се спроведат единствени мерки за намалување на протокот и да се обезбедат единствени документи за регистрација/идентификација (кои ќе бидат издадени веќе во првата држава на влез), стои во соопштението од Амбасадата на Словенија во Република Македонија и се додава дека во моментот во тек е координација на практичните можности за спроведување на оваа словенечка идеја.