Слоу Фуд ќе служат алва и шербет за празникот Бајрам
По повод празникот Бајрам, младинската организација Слоу Фуд Млади - Македонија организира настан Eat In Бајрам Мубарак. Настанот ќе ги вклучи младите во заедничка акција за зачувување на традиционaлната храна и локалните рецепти.
- Овој пат, младите ентузијасти ќе приготват алва, која традиционално се служи за овој празник и ќе ја делат на случајните минувачи. Покрај алвата минувачите ќе имаат можност да се засладат со ароматичниот шербет, кој исто така е симбол за овој празник, велат организаторите.
Како што наведуваат, основната цел на настанот кој ќе се одржи на платото кај влезот на Старата скопска чаршија, е промовирање на традиционалната храна помеѓу младите и нејзиното зачувување. Исто така, преку делењето храна се овозможува и поврзување на младите од сите националности и религии.
Слоу Фуд Млади – Македонија е младинска организација која работи во рамките и согласно со филозофијата и принципите на Slow Food и се залага за заштита, промоција и едукација за храна. Нивна цел е еколошки чиста и здрава храна за сите, која е произведена на локален традиционален начин.
Ново на Сител
-
Тим од медицинска сестра, социјален работник, психолог и физиотерапевт ќе посетува семејства од социјален ризик
-
Општина Босилово почна со рециклирање на текстилот
-
Преглед на вести од светот
-
23 Oктомври – Ден на македонската револуционерна борба
-
Се уште се трага по исчезнатиот 60 годишен стружанец
-
Преглед на вестите од светот
-
Граѓаните ќе може да ја тужат државата пред Управен суд поради загаден воздух
-
Тема на денот со Агим Јонуз, политички аналитичар