Слатки не треба да се јадат повеќе од 1-2 пати неделно
Слатки треба да се јадат не повеќе од еднаш-двапати во неделата и децата не треба да се охрабруваат со тоа, смета Антонина Стародубова, главен нутриционист во Министерството за здравство во Москва.
– Правилото е исто за секого – помалку значи подобро. Според препораките на СЗО, сега не се препорачува да се консумира повеќе од 50 грама додаден шеќер на ден. Во истовреме, многу стручњаци сега веруваат дека не треба да јадете повеќе од 25 грама шеќер на ден. За споредба, во просечна палачинка има 30 грама шеќер. За да се придржувате до препораките, мора строго да ја контролирате количината на шеќер и слатки во исхраната и да го ограничите благото и газираните пијалаци!, нагласува д-р Стародубова.
Напорите, првенствено од страна на родителите, воспитувачите и лекарите, како што вели Русинката, треба да бидат насочени кон тоа – децата да не ги злоупотребуваат слатките и да избираат поздрави намирници.
– Многу е важно слатките и храната да не бидат поттик за децата. Не може да постапувате според правилото „одличен/-на си, еве ти бонбонче“ или – „денеска си лош/-а, нема благо“… Слатките се „празнично јадење“ – може да ги консумирате еднаш до двапати седмично, на пр. во сабота или недела, но не како награда или казна!, вели Стародубова.
Лекарката советува да се изберат алтернативи за слатките, како овошје, или пак, десерти со помалку шеќер, како што се желето или џемот. Во овој случај, мора да се обрне внимание на хемискиот состав на производот, т.е. содржината на шеќер и прости јаглехидрати во него.
Ново на Сител
-
Украинските ученици наскоро ќе учат да летаат со ФПВ дронови како дел од ажурираната наставна програма „Одбрана на Украина“, објави украинското Министерство за образование и наука
-
Исчезна руски воен хеликоптер со пет лица
-
Кривична за кавадарчанец за шест дела „тешка кражба“ и две за „тешка кражба во обид“
-
Сузбиена организирана криминална група инволвирана во криумчарење на мигранти, приведени шест лица
-
Измени во Законот за возила, станиците за технички преглед ќе даваат потврда за регистрирано возило
-
Полицијата викендов во контроли на угостителски објекти во Куманово, констатирани прекршоци
-
Енормно зголемена потрошувачката на вода во Скопје, можни се рестрикции и намален притисок
-
Струшките плажи и годинава без спасители на вода