Балкан
5. јуни 2016 - 18:15

Слаба излезност на локалните избори во Романија

Слаба излезност е забележана на денешните локални избори во Романија, пренесе ДПА.

Пет часа пред затворањето на избирачките места одѕивот беше 31,71 проценти.

Во главниот град Букурешт активноста на избирачите беше едвај 20,14 проценти.

Избирачките места  беа отворени во 7 часот и ќе бидат затворени во 21 часот. Вкупно 18 милиони Романци можат да го искористат своето право на глас.

Слабиот одѕив може да биде предност за Социјалдемократската партија, наведуваат аналитичарите.