Скопјанка пронајдена почината во возило на автопатот Гевгелија - Велес

Скопјанка синоќа била пронајдена почината во возило на автопатот Гевгелија - Велес, телото било дадено на обдукција, соопштија денеска од Секторот за внатрешни работи - Велес.

-Во 19:40 часот во СВР - Велес е пријавено дека на автопат Гевгелија - Велес, во патничко возило „фолксваген пасат“ со скопски регистарски ознаки, пронајдена била почината М.Д., на возраст од 56 години од Скопје. Лекар од Итна медицинска помош констатирал смрт без траги на насилство, а увид извршила увидна екипа од СВР - Велес. По наредба на јавен обвинител, телото на починатата било дадено на обдукција - појаснија од СВР - Велес.

МИА