Скијач ја мина границата од 250 км/ч

Италијанецот Иван Оригоне (29) постави нов светски рекорд во брзо скијање. При својот настап Оригоне постигнал брзина од 254,958 километри на час. Интересно, претходниот рекорд го држеше неговиот седум години повозрасен брат Симоне (252,632 км/ч).

 

Оригоне рекордот го поставил на патеката во Варс, француски Алпи, во должина од 1.220 метри.

 

На истата патека е поставен и нов рекорд во женска конкуренција. Сонародничката на Оригоне, Валентина Грегорио постигнала брзина од 247,083 километри на час. Грегорио го собори рекордот на Швеѓанката Сани Тидстран (242,59 км/ч), поставен пред една деценија.

 

Инаку на официјална трка во Светскиот куп, во алпско скијање, светскиот рекорд е во сопственост на Јохан Клери од Франција, тој во 2013 година на спуст трката во Венген оствари брзина од 161,9 км/ч.