Скибицки: Украина е подготвена за контраофанзива напролет
Вооружените сили на Украина ќе бидат подготвени напролет да почнат контраофанзива против руската армија, која окупираше големи делови од државата, изјави денеска заменик-шефот на воената разузнавачка служба на Украина, Вадим Скибицки. Точното време зависи од неколку фактори, вклучително и пратките на западно оружје, кое игра многу важна улога во одбраната на Украина од руските напаѓачи, изјави Скибицки за германската медиумска компанија Funke Mediengruppe.
Повеќе од една година откако Русија ја започна својата инвазија на соседна Украина, Скибицки повтори дека целта на Киев е да ја ослободи целата украинска територија, вклучувајќи го и полуостровот Крим, кој Москва го анектираше во 2014 година.
„Ќе запреме само кога ќе ја вратиме нашата земја на (меѓународно признатите) граници од 1991 година. Тоа е нашата порака до Русија и меѓународната заедница“, рече тој.
Скибицки опиша дека Киев има намера да ги постигне своите „стратешки воени цели“ со пробивање на линијата на фронтот на југ, меѓу Крим и Русија.
„Можно е да уништиме и магацини со оружје или воена опрема на руска територија, на пример околу градот Белгород, од каде се започнуваат нападите врз Украина. Ова претставува закана за (украинскиот град) Харков, на пример".
Русија ја почна својата инвазија врз Украина на 24 февруари 2022 година. Според официјалните проценки, досега се убиени најмалку 8.000 цивили, а повеќе од 13.000 се повредени.
Ново на Сител
-
Мисајловски: Нов пакет помош за Украина наскоро на владина седница
-
Лука Змејкоски со сребро се враќа од Светското првенство во кик бокс
-
Марија Димовска е светски јуниорски првак во кик бокс
-
Уште тројца хоспитализирани со голема кашлица, вкупно 1.049 случаи во државава
-
Малолетник се здобил со телесни повреди на рингишпил во Кавадарци
-
Европски фронт: Не чепкајте го албанскиот јазик
-
На граничните премини „Табановце” и „Богородица” зголемена фреквенција на возила
-
Мицкоски: Да не влегуваме во замката да бидеме вовлечени во предизборната реторика кај нашиот источен сосед