Скандал: Голи фотографии на рускиот претставник на Евровизија

Фотографија на која претставникот на Русија на Евросонг позира потполно гол во друштво на девојка врзана за радијатор со пила во забите предизвика лавина реакции и обвинувачки текстови во британските таблоиди, како и тврдења дека станува збор за порно снимка која го предизвикала вниманието и на самиот руски политички врв.

 

Како што тврдат британските таблоиди “The Sun” и “Daily Mail“, во прашање се порно фотографии на рускиот претставник Сергеј Лазарев кој до самото финале беше фаворит, а по гласањето го зазеде третото место.

 

Но, ПР тимот на Лазарев се огласи по објавените текстови на западните таблоиди и рече дека фотографиите се направени во 2008 година за уметничкиот проект „Познатите против насилството во семејството“.

 

Британските медиуми отидоа уште подалеку во своите тврдења па дури изнесоа и податок дека Кремљ знае за спорната фотографија, како и дека токму од Кремљ минатиот месец се обиделе потполно да ги избришат од интернет за да не ја загрозат кариерата на рускиот пејач.