Сите основни училишта во Кисела Вода се опремени со дигитални табли
Сите основни училишта во Кисела Вода се опремени со дигитални табли – покрај тие што веќе се користеа во наставниот процес, обезбедени се и преку проектот „Поддршка на образовниот процес и стимулирање на дигиталните вештини на учениците во основните училишта во Општините Аеродром, Карпош и Кисела Вода“.
Градоначалникот на Кисела Вода Орце Ѓорѓиевски при денешната посета на ОУ „Круме Кепески”, кое е едно од училиштата што доби смарт-табли со овој проект, истакна дека осовременувањето на училиштата преку стимулирање на дигиталните вештини е поставено високо во приоритетите на Општина Кисела Вода.
Тој се заблагодари на Центарот за развој на Скопскиот плански регион и на директорот на оваа институција, Љупчо Мицковски, со кого го посети училиштето, за тоа што е овозможен проект со кој се обезбедени дополнителен број дигитални табли во општинските училишта кои го унапредуваат наставниот процес.
-Со оваа донација од 16 смарт табли, училиштата сега се опремени со 43 дигитални табли и 75 смарт телевизори. Поддршката за вакви проекти кои значат подобрување на условите во училиштата е секогаш добредојдена, но сакам да нагласам дека непрекинато течат и нашите сопствени инвестиции во речиси сите училишни објекти. По спроведувањето на проектот „Компјутер за секој наставник”, со кој Општина Кисела Вода преку донации обезбеди компјутер за секоја училница од сите 11 училишни објекти, во финална фаза се реновирањето на училишната спортска сала во ООУ „Невена Георгиева Дуња”, изградбата на две сензорни соби во ООУ „Кузман Шапкарев” и во ООУ „Кузман Јосифовски Питу”. Во овој објект веќе е завршена и замената на кровната конструкција и фасадата, а сега следува и изградба на лифт за деца со посебни потреби, пристапни рампи, специјални тоалети, дактилни патеки кои овој објект ќе го направат првото целосно инклузивно училиште во Скопје, изјави Ѓорѓиевски.
Проектот „Поддршка на образовниот процес и стимулирање на дигиталните вештини на учениците во основните училишта во Општините Аеродром, Карпош и Кисела Вода“ се спроведуваше во изминатите два месеца.
Носител на проектот е Центар за развој на Скопски плански регион, кој со финасиски поддршка од Владата, преку Министерство за локална самоуправа и Бирото за регионален развој, овозможи снабдување со 54 дигитални табли во27 училишта во трите општини.
Ново на Сител
-
Фон дер Лајен: Завршивте добра работа, имаме одлични реформи, ќе почнеме со 52 милиони евра од Планот за раст
-
Малолетник тешко повреден кога со мотоциклот излетал од патот Маврови Анови – Гостивар
-
Анкета: Хрватите и Словенците сакаат победа на Харис, Србите на Трамп
-
Собранието ќе ја продолжи 17. седница следната недела
-
Претрес во Скопје, пронајдена дрога
-
Мицкоски: До конечната цел, членството во ЕУ ќе дојдеме со синергија на напорите за реформи и зачувувањето на достоинството на граѓаните
-
Претреси во Штип, пронајдено оружје и муниција, лишени од слобода две лица
-
Фон дер Лајен: Правиме се за земјава да ги отвори преговорите за првиот кластер, но потребно е да се разработат и уставните измени