Синот на Клинт Иствуд сними реклама за „Давидоф“

Синот на популарниот Клинт Иствуд, 29-годишниот модел и актер Скот Иствуд на Хаваите сними реклама за парфемот „Давидоф Кул Вотер“, како замена за трагично починатиот глумец Пол Вокер.

Мокар, облечен во куси фармерки и со голо торзо, Скот уште еднаш покажа зошто е еден од најпосакуваните ергени во Холивуд.

- Голем љубител сум на океаните. Нуркам, сурфам и одам во риболов, изјави Скот.

Тој откри дека снимањето го потсетило на Пол Вокер, со кого биле добри пријатели. 

- Ми беше како постар брат. Веруваше во ова и не го ставаше неговото име на производот, само за пари. И тој ги обожуваше океаните, додаде Скот Иствуд.